बार्दिया/ बर्दियाका युवा चर्चित नेता जन्मजय तिमिल्सिना लुम्बिनी प्रदेश सरकारको मन्त्री बनेका छन् । तिमिल्सिना सामाजिक विकास मन्त्रालयको मन्त्री बनेका हुन् । बर्दिया क्षेत्र नंम्बर २ को (क) बाट निर्वाचित लुम्बिनी प्रदेश सभा सदस्य तिमिल्सिना जिल्लाको समग्र क्षेत्रको विकासको लागि सदनमा बुलन्द आवाज उठाउने मध्येमा पर्छन् ।

तिमिल्सिना विगत देखि नदि नियन्त्रण, मानव र वन्यजन्तु बिच अन्तर द्वन्द्व समाधानलगायत विकासका काममा सक्रिय भुमिका देखाउँदा जिल्लावासी माँझ तिमिल्सिना लोकप्रिय मानिन्छन् ।

बर्दियाबाट लुम्बिनी प्रदेशमा तिमिल्सिना मन्त्री हुनु जिल्लावासीको लागि सुखद रहेको सर्वसाधारणको भनाई छ । लुम्बिनी प्रदेशका मुख्यमन्त्री चेतनारायण आचार्यले मन्त्रीपरिषद् पुर्नगठन गरेको जानकारी गराउँदै प्रदेश प्रमुखलाई जानकारी दिएका छन् ।

लुम्बिनी प्रदेशले तीन जना नयाँ मन्त्री थपेको छ । नेपाली काँग्रेसको तर्फबाट बर्दियाका जन्मजय तिमिल्सिना, पश्चिम नवलपरासीका देवकरण कलवार तथा जनता समाजवादी पाटीबाट बाँकेका आदेशकुमार अग्रवाललाई मन्त्रीको रुपमा सिफारिस गरेको उद्योग,पर्यटन तथा यातायात मन्त्री प्रचण्ड विक्रम न्यौपानेले जनाएका छन् ।

सिफारिस भएका नयाँ मन्त्रीहरु नेपाली काँग्रेसका जन्मजय तिमिल्सिनालाई सामाजिक विकास, कांग्रेसकै देवकरण कलवारलाई वन तथा वातावरण मन्त्रालय र जसपाका आदेशकुमार अग्रवाललाई आन्तरिक मामिला तथा कानुन मन्त्रालयको जिम्मेवारी तोकिएको छ । नवनियुक्त मन्त्रीहरुको आज बिहीबार बिहान ८ बजे प्रदेश प्रमूखको कार्यालय बुटवलमा शपथ ग्रहण गरेका छन्