ए.बि.पि न्युज नेपाल
बर्दिया,मंसिर २९

बच्चासहितको चितुवाले आक्रमण गर्दा ६ जना घाईते भएका छन् । ठाकुरबाबा नगरपालिका–४ खैलार स्थित चितुवाले आक्रमण गर्दा शनिबार ६ जना घाईते भएका छन् ।

ठाकुरबाबा नगरपालिका–४ बबई सामुदायिक वनमा झाडी सफाई गर्न गएको बेला चितुवाले आक्रमण गरेको डिभिजन वन कार्यालयका वरिष्ठ वन अधिकृत राम गोपाल चौधरीले बताए ।

‘४ जना सामान्य घाईते भएका छन्,’अधिकृत चौधरीले भने,‘२ जना गम्भिर घाईते भएका छन् ।’ गम्भिर घाईते भएका ज्योति थारु र गणेश मल्ल ठकुरीको नेपालगंज भेरी अस्पतालमा उपचार भईको छ । थारुको टाउको र घाँटीमा चोट छ भने ठकुरीको दायाँ हातमा चोट छ ।

अधिकृत चौधरीका अनुसार सामान्य घाईते सुदिप थारु, उमेश थापा, बिरु थारु र हरि लम्सालको ठाकुरबाबा नगर अस्पतालमा उपचारपछि घर फर्किएका छन् ।