ए.बि.पि न्युज नेपाल
बर्दिया,पौष २

लागु औषधसहित प्रहरीले दुई जनालाई पक्राउ गरेको छ । बढैयाताल गाउँपालिका–६ रानीपुर स्थितबाट शनिबार दुई जनालाई लागु औषधसहित पक्राउ गरेको प्रहरीले मंगलबार मात्र सार्वजनिक गरेको हो ।

पक्राउ पर्नेमा बाँके कोहलपुर नगरपालिका–७ का १९ वर्षिय बसन्त परियार र बाँके डुडुवा गाउँपालिका–५ डलैपुरका १९ वर्षिय शिशिर सुनार रहेका छन् । दुवै जना शंकास्पद रुपमा भारतबाट नेपाल तर्फ आईरहेको अवस्थामा नियन्त्रणमा लिई चेकजाँज गर्दा लागु औषध ब्राउन सुगरको धुलो पदार्थ फेला परेको प्रहरीले जनाएको छ ।

परियारको साथबाट प्लाष्टिक पुरियामा राखेको अवस्थामा १ ग्राम ८ सय २० मिलीग्राम लागु औषधको धुलो पदार्थ फेला परेको प्रहरीले जनाएको छ ।

दुवै जनालाई नियन्त्रणमा लिई अदालतबाट ५ दिनको म्याद लिई थप अनुसन्धान भईरहेको जिल्ला प्रहरी कार्यालय गुलरियाका डिएसपी ऋषिराम घर्ती मगरले जानकारी दिए ।