Atv News
बर्दिया,पौष १८

प्रमुख जिल्ला अधिकारी रुद्रादेवी शर्मालगायत सिङ्गो जिल्ला सुरक्षा समितिले नेपाल पत्रकार महासंघका नवनिर्वाचि पदाधिकारीलाई स्वागत गरेको छ ।

जिल्ला सुरक्षा समितिले बुधबार नेपाल पत्रकार महासंघ जिल्ला शाखाका नवनिर्वाचित अध्यक्ष निर्मल घिमिरेलगायत कार्यसमितिलाई स्वागत गरेको हो ।

प्रजिअ शर्मा, सहायक प्रजिअ रोशन कुमार कठायत, नेपाल प्रहरी उपरीक्षक केदार खनाल, सशस्त्र प्रहरी उपरीक्षक चित्राङ्गत दाहाल र राष्ट्रिय अनुसन्धानका उपरीक्षक पवन जोशीले नवनिर्वाचित पदाधिकारीलाई खादा, टिका र फूलका गुच्छा दिएर सफल कार्यकालको शुभकामना व्यक्त गरेका छन् ।

५७औं प्रजिअको जिम्मेवारीमा रहेकी प्रजिअ शर्माले अग्रज तथा सक्रिय पत्रकारलाई पनि खादा लगाएर लुकेर रहेका कुरालाई बाहिर ल्याई सुसुचित गर्न तथा जिम्मेवार निकायलाई थप जिम्मेवार बनाउन अनुरोध गरिन् । प्रजिअले पत्रकारलाई बोलाएर यसरी स्वागत र सम्मान गरेको पहिलो रेकर्ड रहेको वरिष्ठ पत्रकार कमल पन्थीले सुनाए ।

जिम्मेवारी सम्हाले देखि पत्रकारहरुको सहयोग पाईरहेको प्रजिअ रुद्रादेवी शर्माले बताईन् । ‘जिल्लाको शान्ति सुरक्षा कायम गर्न पत्रकारहरुको सहयोग मिलेको छ,’प्रजिअ शर्माले भनिन्,‘व्यवसायीक पत्रकारिता गर्ने सक्रिय युवाहरुको नयाँ कार्य समिति आएको छ ।’ आगामी दिनमा पनि समन्वय र सहकार्यले निरन्तरता पाउने विश्वास छ ।

सर्वसाधारणलाई शान्ति सुरक्षाको प्रत्याभुती दिलाउन र सरकारी कार्यालयको प्रभावकारी सेवा प्रवाह गर्न र सुशासनको लागि पत्रकारहरुको निरन्तर सहयोगको आवश्यकता रहेको प्रजिअ शर्माले भनाई राखिन् ।

सिडिओ साबले नवनिर्वाचि कार्य समितिलाई बोलाएर स्वागत गर्दा काम गर्ने थप उर्जा मिलेको नेपाल पत्रकार महासंघ जिल्ला शाखा बर्दियाका अध्यक्ष निर्मल घिमिरेले बताए । ‘शान्ति सुरक्षालाई खलल पुग्ने पत्रकारहरुबाट कुनै किसिमको काम हुदैन,’अध्यक्ष घिमिरेले भने,‘पत्रकार आचारसंहिता भित्र रहेर व्यवसायीक पत्रकारिता गरिरहेका पत्रकार साथीहरुलाई सुचनाको लागि सहजताको वातावरण मिलाउन आग्रह छ ।’

आगामी दिनमा पत्रकार महासंघ र सुरक्षा समिति बिच सुमधुर सम्बन्ध रहने अध्यक्ष घिमिरेले विश्वास दिलाए ।