बर्दिया,साउन ५ /एक वर्षमा लागू औषधसहित २ सय १६ जनालाई प्रहरीले पक्राउ गर्न सफल भएको छ । आर्थिक वर्ष ०८१/०८२ मा २ सय १६ जनालाई लागू औषधसहित प्रहरीले पक्राउ गर्न सफल भएको हो ।

१ सय ४४ ग्राम ८ सय ९६ मिलिग्राम ब्राउन सुगरसहित १ सय ८४ जना, २ केजी १ सय ६ ग्राम ८ सय मिलिग्राम चरेशसहित ५ जना, २१ केजी ५ सय ७० ग्राम ३ सय मिलिग्राम अफिमसहित ४ जना, ५ केजी ८ सय ७१ ग्राम १ सय ८० मिलिग्राम गाँजासहित ६ जना, २६ पिस क्याप्सुलसहित ४, २ बोतल सिरपसहित १ र १ सय १८ लागू औषधका ट्याबलेटसहित १२ जनालाई एक वर्षमा प्रहरीले पक्राउ गरेको जनाईएको छ ।

त्यसैगरि विभिन्न कसुरमा फरार रहेका २ सय ८० जना प्रतिवादीलाई पक्राउ गरेको प्रहरी उपरीक्षक केदार खनालले बताए । पक्राउ परेका प्रतिवादीहरुबाट २ सय १ वर्ष ९ महिना १६ दिन कैद सजाय र रु २ करोड ९ लाख २० हजार ५ सय ३९ जरिवाना असुल उपर गरिएको प्रहरी उपरीक्षक खनालले जनाए ।

एक वर्षमा ट्राफिक नियम उल्लंघन गर्ने १२ हजार ३ सय २५ सवारी साधनलाई ट्राफिक प्रहरीले कारवाही गरि ९३ लाख ६७ हजार ५ सय १ राजस्व संकलन गरेको छ भने अबैध सामान ओसार पसारमा प्रयोग गरिएका सवारीसाधन नियन्त्रणमा लिई रु १ करोड ४९ लाख ६२ हजार ८७ राजस्व संकलन गरेको तथ्यांक जिल्ला प्रहरी कार्यालयद्वारा आइतबार आयोजित पत्रकार भेटघाटमा प्रहरी उपरीक्षक खनालले प्रस्तुत गरेका थिए ।