श्रम डेस्क सञ्चालन कार्यविधि निर्माणका लागि छलफल

ज्ञानेन्द्र पोख्रेल

 /भाद्र १५  / बढैयाताल बर्दिया : बर्दियाको बढैयाताल गाउँपालिकामा श्रम डेस्क सञ्चालन कार्यविधि निर्माणका लागि कार्यशाला आज सम्पन्न गरिएको छ ।

बढैयाताल गाउँपालिकाको समन्वय तथा एक्सन एड र कमैया महिला जागरण समाजको साझेदारीमा सञ्चालित स्थानीय अधिकार कार्यक्रम अन्तर्गत कार्यशालाको आयोजना गारिएको जानकारी र कार्यक्रमको औचित्व बारे कमैया महिला जागरण समाज नेपालका कार्यक्रम संयोजक रमेश कुमार चौधरी ले गराएका थिए ।

श्रमिकहरुको हकहित र अधिकारको सुनिश्चितताका लागि पालिकालाई उत्तरदायि र कानुनी प्रक्रिया सहज बनाउनका लागि कार्यशालाको आयोजना गरिएको हो । सो अवसरमा नेपालमा श्रम कानुको इतिहास, श्रम ऐन २०४७ (संशोधन २०७५)मा भएको मुख्य प्रावधान र स्थानिय सरकार सञ्चालन  ऐन २०७४ मा भएको रोजगारी तथा श्रमिकसँग सम्बन्धित मुख्य व्यवस्था तथा श्रम डेक्स निर्देशिका को मस्यौदा माथी छलफल तथा सहजीकरण बढैयाताल रोजगार शाखा प्रमुख भरत वि क ले गरेका थिए।

 कार्यशालामा गाउँपालिका उपाध्यक्ष लक्ष्मी कुमारी अधिकारी, प्रमुख प्रशासकीय अधिकृत अर्जुन थारू योजना शाखा का उसमान साई , सुचना प्रविधि शाखा का प्रमुख कमल खड्का , पालिकाका ९ वटै वडाका वडा अध्यक्षहरु, कार्यपालिका सदस्यहरु, रोजगार शाखाका प्रमुख भरत वि क विभिन्न शाखाका शाखा प्रमुखहरु, नागारिक सरोकार मञ्चका पदाधिकारीहरु , संन्चारकर्मी लगायतको सहभागिता रहेको थियो ।

 यस कार्यक्रम वाट बढैयाताल गाऊ पालिका मा श्रमिक डेक्स निर्देशिका सम्बन्धी मस्यौदा माथी कार्यपालिका मा छलफल गरि पारित गर्ने र छिटो भन्दा छिटो कार्यान्वयमा ल्याउन पहल गर्ने प्रतिवद्धता बढैयाताल गाउपालिका का प्रमुख प्रशासकिय अधिकृत अर्जुन थारू र उपस्थित कार्यपालिका सदस्यहरु ले गरेका थिए भने कार्यक्रम बढैयाताल गाउपालिका उपाध्यक्ष लक्ष्मी कुमारी अधिकारी को सभापतित्व मा भएको थियो ।