लागू औषधसहित बढैयातालबाट बाँसगढीका दुई जना पक्राउ

ए टिभी न्युज नेपाल

बर्दिया, भदौ १६/लागू औषधसहित दुई जनालाई प्रहरीले बढैयातालबाट पक्राउ गरेको छ । बढैयाताल गाउँपालिका स्थितबाट लागू औषधसहित बासगढीका दुई जनालाई प्रहरीले पक्राउ गरेको हो ।

बढैयाताल गाउँपालिका–७ कण्ठपुर स्थित शंकास्पद रुपमा हिडिरहेका बाँसगढी नगरपालिका–५ का २९ वर्षीय सुबाश ओलीलाई प्रहरीले शनिबार पक्राउ गरेको हो । ओलीलाई नियन्त्रणमा लिई चेकजाँच गर्दा ८ सय मिलिग्राम र शुक्रबार बढैयाताल गाउँपालिका–२ फुटाहा स्थितबाट बाँसगढी नगरपालिका–५ का २६ वर्षीय राम चौधरीलाई ९ सय ८० मिलिग्राम लागू औषध ब्राउन सुगर जस्तो देखिने खैरो रङ्गको गिलो पदार्थ फेला परेको प्रहरीले जनाएको छ ।

दुवै जनालाई नियन्त्रणमा लिई आइतबार अदालतबाट ५ दिनको म्याद लिई इलाका प्रहरी कार्यालय मैनापोखरमा राखी थप अनुसन्धान भईरहेको प्रहरी निरीक्षक कृष्ण डाँगीले जानकारी दिए ।