बर्दियामा बाघको आतङ्क स्थानीय बासिन्दा त्रासमा

कृष्ण बहादुर बिश्वकर्मा

बर्दिया, २०८२ असोज २६— बर्दिया जिल्लामा पछिल्लो समय बाघको आतङ्क दिनप्रतिदिन बढ्दै गएको छ । बर्दियाका सामुदायिक वनको आसपासका बस्तीहरूमा बाघको गतिविधि बढेसँगै स्थानीय बासिन्दा त्रासमा परेका छन् ।हालै मात्रै बर्दियाका सबै क्षेत्रमा बाघले चौपाया र मानिसमाथि आक्रमण गर्ने घटना बडेपछि जनजीवन असुरक्षित बनेको छ।

बर्दियाको धेरै स्थानमा मानिसहरु माथि हमला गरी घरपरिवारको बिचल्ली बनाएको घटना अवगत् नै छ बालक देखि बूढापाका सम्मका मानिसहरुको दिन प्रतिदिन घटना बढदै गईरहेको सुचनाहरु बाटप्राप्त भईरहेको छ। बिहान,दिउसो र साँझ खेतबारी तथा जंगल नजिक जान स्थानीय डराउन थालेका छन् ।

कतिपय बालबालिका विद्यालय जानसमेत हिचकिचाउने अवस्था आएको छ । वन विभाग र बर्दिया राष्ट्रिय निकुञ्जका अनुसार संरक्षणका प्रयास सफल हुँदा बाघको संख्या बढेको हो । तर, बाघका लागि आवश्यक बासस्थान र आहारको अभावले तिनीहरू बस्ती नजिक आइपर्ने गरेका छन् । यही कारणले बाघ र मानिसबीचको टकराव बढ्दै गएको विज्ञहरूको भनाइ छ ।स्थानीय बासिन्दाले सरकार र निकुञ्ज प्रशासनलाई बाघ नियन्त्रणका लागि प्रभावकारी कदम चाल्न माग गरेका छन् ।

उनीहरूका अनुसार चेतनामूलक कार्यक्रम, सुरक्षित गोठ र बाघ प्रवेश रोक्ने बार (फेन्स) जस्ता उपाय तत्काल लागू गर्न जरुरी छ । तर निरन्तर आक्रमणका घटनाले जनतामा भय फैलिँदै गएको छ ।यदि बाघ व्यवस्थापनमा तत्काल सम्बन्धि निकायहरुले छीटोभन्दा छिटो ठोस पहल नभए बर्दियामा बाघ र मानवबीचको टकराव अझ गहिरिने खतरा देखिएको छ । तसर्थ संरक्षण र सुरक्षाबीच सन्तुलन कायम नगरेसम्म बर्दियाको जनजीवन तहस नहस हुने र शान्त बन्ने सम्भावना कम देखिन्छ ।