बढैयाताल उद्योग वाणिज्य संघ को अध्यक्ष मा रावल सर्वसम्मत निर्वाचित

ज्ञानेन्द्र पोख्रेल

बर्दिया /  बढैयाताल उद्योग वाणिज्य संघ को कार्तिक २२ गते शनिवार भएको तेस्रो अधिवेशन तथा साधारण सभा ले रविन्द्र रावलको अध्यक्षतामा अगामी तिन वर्षको लागि नयाँ कार्यसमिति निर्विरोध निर्वाचित गरेको छ ।

जसको प्रथम उपाध्यक्ष दिपक खनाल द्वितिय उपाध्यक्ष शिव प्रसाद सुवेदी तृतिय उपाध्यक्ष पार्वती काफले महासचिव ज्ञान प्रसाद बगाले उप महासचिव बाबुराम वराल सचिव विकाश कोईराला कोषाध्यक्ष तारानाथ पौडेल सह-कोषाध्यक्ष दुर्गा प्रसाद थारू रहेका छन् यसैगरी सदस्यहरुमा क्रमश शैलेजा पौडेल, तारा कुमारी काफले, माया देवी ढकाल, केशव बराल, बिष्णु पोख्रेल, मित्ररज घिमिरे रहेका छन् भने बाकी चार जना सदस्य सहमतिको आधारमा पछि हुने निर्वाचन समितिका संयोजक सोम खडका ले जानकारी दिएका थिए।

निर्वाचित कार्यसमिति लाई निर्वाचन समितिले आजै सपथग्रहण समेत गराएको छ भने आजै भएको उदघाटन सत्रमा संघको प्रतिवेदन र संघ ले स्थापना काल देखि हाल सम्म गरेका काम समेत को प्रतिवेदन संस्थाका अध्यक्ष बालकृष्ण लामिछाने ले प्रस्तुत गरेका थिए ।

कार्यक्रमका प्रमुख अतिथि लुम्बीनी प्रदेश उद्योग वाणिज्य महासंघ अध्यक्ष कृष्ण प्रसाद शर्माले यस क्षेत्रका व्यवसायीहरु का समस्याहरु धेरै रहेका र खुल्ला सिमा क्षेत्र भएको कारण भारतीय बजार वाट अवैध सामानहरु भित्रिने र किनमेलका लागि भारत तर्फ जाने प्रवृति व्यापक रहेको ले व्यवसायिहरु मर्कामा रहेको हुदाँ सबै मिलि समस्या समाधान मा लाग्नु पर्ने बताए भने यस विषयमा उद्योग वाणिज्य महासंघ ले पहल गर्ने प्रतिबद्धता व्यक्त गरेका थिए।

यसै गरि कार्यक्रम मा उद्योग वाणिज्य महासंघका का केन्द्रीय सदस्य उज्वल कसजु ,बढैयाताल गाउपालिका अध्यक्ष हिमालय त्रिपाठी , बढैयाताल गाउपालिकाका पूर्व अध्यक्ष लाल बहादुर श्रेष्ठ, नेपाली कांग्रेस बर्दिया का सभापति अरुण प्रकाश सिंह राठौर नेपालगंज उद्योग वाणिज्य संघ का अध्यक्ष टंक धामी गुलरिया उद्योग वाणिज्य संघ का अध्यक्ष मंगल पाण्डे लगायतले मन्तव्य राखेका थिए ।

कार्यक्रम मा स्थापना कालदेखि हालसम्म यस उद्योग वाणिज्य संघ लाई प्रत्यक्ष अप्रत्यक्ष सहयोग पुऱ्याउने र योगदान गर्ने व्यक्तिहरु लाई कदर पत्र ले सम्मान गरिएको थियो साथै उपस्थित प्रमुख अतिथि विशिष्ट अतिथि लगायत लाई मायाको चिनो प्रदान गरिएको थियो । उद्योग वाणिज्य संघ का अध्यक्ष बालकृष्ण लामिछानेको समापतित्व मा भएको थियो । साथै २०७४ सालमा देश संघियतामा गएसँगै स्थापना भएको यस बढैयाताल उद्योग वाणिज्य संघ मा हाल सम्म करिव ६ सय भन्दा बढि सदस्यहरु आवद्ध रहेका छन् ।