राझाँ विमानस्थलले शुरू गऱ्यो निशुल्क बस सेवा

ज्ञानेन्द्र पोख्रेल

बाके / पश्चिम नेपालको बाँके जिल्लामा रहेको एक मात्र व्यस्त बिमानस्थल ले हवाई यात्रुहरुको सुविधालाई मध्यनजर गर्दै विमानस्थल देखी राँझा चोकसम्म निःशुल्क ‘सटल बस सेवा’ आज देखी सञ्चालनमा ल्याएको छ ।
आजदेखि अत्याधुनिक नयाँ टर्मिनल भवन पनि सञ्चालनमा आएको हो ।हवाई यात्रुलाई आवतजावतमा सहजता प्रदान गर्ने उद्देश्यले विमानस्थल परिसरदेखि करिब डेढ किलोमिटर दूरीमा रहेको राँझा चोकसम्म यात्रुलाई ओसारपसार गर्न आज बिहानदेखि सटल बस सेवा सुरु गरिएको छ । उक्त बसले विमानस्थलमा आउने तथा त्यहाँबाट प्रस्थान गर्ने यात्रुलाई लक्षित गरी नियमित रूपमा सेवा दिने जनाएको छ । सटल बस सेवा भनेको छोटो दूरीमा निश्चित स्थान बीच बारम्बार आवतजावत गर्ने बस सेवा हो ।
यसैबीच आजदेखि अत्याधुनिक नयाँ टर्मिनल भवन पनि सञ्चालनमा आएको छ । आजबाट काठमाडौंबाट आउने यात्रुलाई नयाँ टर्मिनल भवनबाट बाहिर ल्याइएको जानकारी प्राप्त भएको छ ।