बढैयाताल गाऊपालिका ले शिक्षक मिलान तथा सरुवा लगायतका विषयमा गरिएको निर्णय पुनरावलोक गर्ने बढैयाताल गाऊपालिका का राजनैतिक दलहरुको अल्टिमेटम

ज्ञानेन्द्र पोख्रेल

बर्दिया :- बढैयाताल गाउँपालिकाले हालै बढैयाताल गाउँपालिका अन्तर्गतका सामुदायिक विद्यालयहरूमा हालै गरिएको प्रधानाध्यापक तथा शिक्षक दरबन्दी मिलान र शिक्षक सरुवा सम्बन्धी निर्णय प्रति बढैयाताल गाउँपालिका भित्र रहेका सक्रिय राजनीतिक दलहरू राष्ट्रिय स्वतन्त्र पार्टी, नेपाली कांग्रेस, नेकपा एमाले र नेपाली कम्युनिस्ट पार्टी लगायतका दलहरुलेआपत्ति जनाउँदै आज श्रावण २० गते संयुक्त प्रेस विज्ञप्ति प्रकाशित गरेका छन्। भने चारवटा मागसहितको ज्ञापनपत्र गाउँपालिकाका अध्यक्षलाई बुझाएका छन्।ज्ञापन पत्रमा भनिएको छ (१) प्रधानाध्यापक तथा शिक्षक दरबन्दी मिलान र शिक्षक सरुवा सम्बन्धी हालै गरिएको भनिएको सबै निर्णयको कानुनी आधार मापदण्ड औचित्य र निर्णय प्रक्रिया सार्वजनिक गरियोस्। (२)व्यापक विवाद र जनगुनासो उत्पन्न भएका शिक्षक सरुवा सम्बन्धी निर्णयको कार्यान्वयन तत्काल स्थगित गरी निष्पक्ष पुनरावलोकन गरियोस्।(३)सम्बन्धित विद्यालयका विद्यालय व्यवस्थापन समिति विद्यालय प्रशासन तथा सम्बन्धित शिक्षकहरूसँग आवश्यक परामर्श र समन्वय गरेर मात्र आगामी निर्णय गरियोस्।(४)शिक्षक प्रशासनमा विधिको शासन पारदर्शिता, समानता र उत्तरदायित्वको पूर्ण पालना सुनिश्चित गरियोस्। यी जायज मागहरुमागहरूप्रति सम्बन्धित निकायले गम्भीरता नदेखाएको खण्डमा चरणबद्ध रुपमा शान्तिपूर्ण आन्दोलन गर्ने ,ज्ञापनपत्र बुझाउने ,सार्वजनिक खबरदारी गर्ने , धर्ना तथा विरोधका कार्यक्रमहरू प्रचलित कानुन बमोजिमका सबै लोकतान्त्रिक र वैधानिक माध्यम अवलम्बन गर्न बाध्य हुने कुरा विज्ञप्ति मार्फत स्पष्ट पारिएको छ।