बर्दियाको रामनगरमा परम्परागत हरेरी पूजा सम्पन्न

ज्ञानेन्द्र पोख्रेल
बर्दिया, साउन १०
बर्दिया जिल्लाको बढैयाताल गाउँपालिका–४, रामनगरमा परम्परागत रूपमा मनाइँदै आएको हरेरी पूजा उत्साहका साथ यस वर्ष पनि सम्पन्न भएको छ ।
हरेरी पूजामा कार्यक्रम मा गाऊका वडघर, गुरुवा, धर्मगुरू, वैध ,समाजसेवी, ज्येष्ठ नागरिक, महिला, युवा तथा गाउँवासीहरूको उल्लेखनीय सहभागिता रहेको थियो।
धार्मिक परम्परा अनुसार हरेरी पुजा प्रत्येक वर्ष को रोपाई सके पश्चात बिधि पूर्वक हरेरी पूजा सम्पन्न गर्दै गाउँमा सुख, शान्ति, समृद्धि, राम्रो वर्षा, उन्नत खेतीपाती तथा सबै नागरिकको सुस्वास्थ्य र दीर्घायुको कामना सहित हरेरी पुजा गर्ने प्रचलन रहेको गाऊँ का थारू समुदायका अग्रहहरु बताउछन् ।
स्थानीयवासी प्रविण चौधरी का अनुसार हरेरी पूजा थारू समुदायको यस क्षेत्रको महत्वपूर्ण सांस्कृतिक तथा धार्मिक परम्परा हो, जसले गाउँमा आपसी एकता, सद्भाव र सामाजिक सम्बन्ध लाई अझ मजबुत बनाउन योगदान पुर्‍याउँदै आएको छ।
पूजा सम्पन्न भए पश्चात सामुहिक रुपमा प्रसाद ग्रहण गर्ने चलन रहेको छ । आयोजक समितिले कार्यक्रम सफल बनाउन सहयोग गर्ने सम्पूर्ण स्थानीय सहभागी हरू प्रति हार्दिक धन्यवाद व्यक्त गरेको थियो । साथै यस हरेरी पुजा कार्यक्रम गाँऊका मुल बडघरको नेतृत्व मा हुने गरेको छ ।