ज्ञानेन्द्र  पोख्रेल

बर्दिया, जेठ १२ गते ।बर्दियाको बढैयाताल गाउँपालिका–२ फुटाहा क्षेत्रमा रहेको नेपाल–भारत सीमा नजिकबाट भारत तर्फ लैजादै गरेको करिब १८ लाख रुपैयाँभन्दा बढी मूल्यको तरबुजाको बीउ बरामद गरेको छ ।

सोमबार राति लुम्बिनी प्रदेश प्रहरी कार्यालयबाट खटिएको विशेष टोली र ईलाका प्रहरी कार्यालय मैनापोखर को संयुक्त गस्ती टोलीले सीमा क्षेत्रमा गस्ती गर्ने क्रममा नेपालबाट भारततर्फ अवैध रूपमा सामान लैजाँदै गरेको गतिविधि देखेपछि निगरानी बढाएको थियो ।

उक्त क्षेत्रमा प्रहरी पुग्नासाथ तस्करहरु ले प्रहरी टोलीलाई देखे पछि तस्करीमा संलग्न व्यक्तिहरू सामान र साइकल छोडेर अँध्यारोको मौका छोपी फरार भएकाे प्रहरीले जनाएको छ ।
प्रहरीले घटनास्थलबाट ४० बोरा तरबुजाको बीउ र उक्त तरबुजाको विऊ बोक्न प्रयोग गरिएका साईकिल समेत बरामद गरेको छ । बरामद बीउको तौल करिब १६ क्विन्टल रहेको र यसको अनुमानित बजार मूल्य १८ लाख रुपैयाँ रहेको जनाइएको छ । साथै, घटनास्थलबाट ९ वटा साइकल पनि नियन्त्रणमा लिइएको छ, जसको अनुमानित मूल्य १३ हजार ५ सय रुपैयाँ रहेको छ ।
बरामद गरिएका सामानको कुल मूल्य १८ लाख १३ हजार ५ सय रुपैयाँ भएको प्रहरीले जनाएको छ । घटनाबारे थप अनुसन्धान भइरहेको तथा बरामद सामान आवश्यक कारबाहीका लागि राजापुर भन्सार कार्यालय गुलरिया पठाईएको प्रहरी ले जानकारी दिएको छ ।