मुम्बई । चर्चित टेलिभिजन रियालिटी शो बिग बोसको १८ औं सिजन अक्टोबर ५ बाट सुरु हुँदैछ । शोको प्रोमो सार्वजनिक भइसकेको छ ।

‘ये रिश्ता क्या कहलाता है’ शोका चर्चित अभिनेता शहजाद धामीको पनि शोमा आगमन पक्का भएको मानिएको छ । टिभी इन्डस्ट्रीबाट कयामत से कयामत तक शोको हिस्सा रहेका करण राजपाल पनि यस शोको हिस्सा बन्न लागेका छन् । यसका अलावा अभिनेता क्या हुआ तेरा वादा, परिचय, राक्षस, नादन परिन्दे, मेरे अंगने मे र नामकरण जस्ता धेरै शोको हिस्सा भइसकेका छन्।

बलिउड लाइफको रिपोर्टका अनुसार चर्चित टिभी अभिनेत्री निया शर्माले पनि बिग बोस १८ को सम्झौतामा हस्ताक्षर गरेकी छिन् । यसअघि निया शर्माले बिग बोसको एक सिजनमा अतिथि प्रतियोगीका रूपमा भाग लिएकी थिइन् ।

धीरज धुपर पनि बिग बोस १८ को हिस्सा बन्न लागेका छन् । रिपोर्टहरू विश्वास गर्ने हो भने, अभिनेताले शोमा आउन हस्ताक्षर गरिसकेका छन्। धीरज शेरदिल शेरगिल र ससुराल सिमर का जस्ता चर्चित शोको हिस्सा भइसकेका छन् ।

यदि रिपोर्टहरू विश्वास गर्ने हो भने, बिग बोस विजेता दीपिका कक्कडका पति र अभिनेता शोएब इब्राहिम पनि शोको हिस्सा हुनेछन्। तर, केही समयअघि एक भिडियोमार्फत उनले शोमा आउने खबरलाई अफवाह भनेका थिए ।

वरिष्ठ अभिनेत्री पद्मिनी कोल्हापुरी पनि शोका निर्माताहरुसँग कुराकानीमा छिन् । खतरों के खिलाडी १४ को फाइनलिस्ट करण वीर मेहरालाई पनि शो अफर गरिएको छ ।साभाररातोपाटि