काठमाडौँ । सरकारले चालु आर्थिक वर्षमा ५७ लाख ३५ हजार मेट्रिक टन धान फलाउने लक्ष्य राखेको छ । सरकारले गत वर्षको तुलनामा ११ हजार मेट्रिक टनभन्दा बढी धान फलाउने लक्ष्य राखेको हो ।

कृषि तथा पशुपन्छी विकास मन्त्रालयका अनुसार गत वर्ष ५७ लाख २४ हजार मेट्रिक टन धान फलेको थियो । यो वर्ष ११ हजार मेट्रिक टन बढाएर ५७ लाख ३५ हजार मेट्रिक टन धान फलाउने सरकारी लक्ष्य छ ।

यस्तै, गत वर्ष २१ लाख ५५ हजार मेट्रिक टन फलेको गहुँ यो वर्ष २२ लाख १५ हजार फलाउने सरकारी लक्ष्य छ । यस्तै, गत वर्ष ३० लाख ८९ हजार मेट्रिक टन फलेको मकै यो वर्ष ३० लाख ९५ हजार मेट्रिक टन फलाउने लक्ष्य राखिएको मन्त्रालयले जनाएको छ।साभाररातोपाटि‍