ए.बि.पि न्युज नेपाल

असोज ११,२०८१ शुक्रबार

नेपाल प्रहरी बर्दियाका एसपी र डिएसपीको सरुवा भएको छ । एसपी प्रबिण धिताल र डिएसपी तुल्सीराम अर्यालको सोमबार सरुवा भएको हो ।

एसपी धितालले गत फागुन दोस्रो साता देखि बर्दिया प्रहरी प्रमुखको जिम्मेवारी सम्हालेका थिए । एसपी धितालको काठमाडौं उपत्यका प्रहरी कन्ट्रोल रुम रानी पोखरीमा सरुवा भएको छ भने बर्दिया प्रहरी प्रमुखको रुपमा एसपी केदार खनाल आउन लागेका हुन् ।

खनाल यस अघि नेपाल प्रहरी विशेष सुरक्षा गण बेल चौतारी तनहुँमा कार्यरत थिए । त्यसैगरि जिल्ला प्रहरी कार्यालय गुलरियाका डिएसपी अर्यालको लुम्बिनी प्रदेश प्रहरी कार्यालय प्रहरी नायव महानिरीक्षकको सचिवालय दाङमा सरुवा भएको छ । जिल्ला प्रहरी कार्यालय गुलरियामा डिएसपी ऋषिराम घर्ति मगर आउन लागेका हुन् । यस अघि डिएसपी मगर गण्डकी प्रदेश प्रहरी गण पोखरा कास्कीमा कार्यरत रहेका थिए ।

प्रहरी महानिरीक्षक बसन्त बहादुर कुँवरको निर्णयले सोमबार देशभर ४१ एसपी र १ सय ४३ डिएसपीहरुको एकैदिन सरुवा तथा काज सरुवा भएको हो ।