शोभा कोइराला /राजापुर कार्तिक १३/ए.बि.पि न्युज नेपाल

बर्दियाको राजापुर नगरपालिका वडा नं ८ धोबिनिपुरमा शाखा रहेको किसान बहुउद्देश्यीय सहकारी संस्था लिमिटेड गणेश बाबा शाखाले श्रद्धान्जली सभा तथा सुबिधा वितरण कार्यक्रमको आयोजना गरेको छ ।

सेवा केन्द्रका केन्द्र न २९४० समूह नम्बर २ को सदस्य नम्बर ५ का लक्ष्मि थारुको मृत्यु भएकाले स्वर्गीय थारुको सम्झनामा कार्यक्रमको आयोजना गरिएको हो ।
कार्यक्रममा मृतक थारुका श्रीमान बिरेन्द्र थारुलाइ २ लाख ७७ हजार ६ सय ९८ रुपैयाँको चेक हस्तान्तरण गरिएको छ । मृतक थारुले सेवाकेन्द्र मार्फत दुई शीर्षकमा १ लाख ८० हजार ऋण लिनुभएकोमा ऋण मिनाह सहित सुबिधामार्फत रकम हस्तान्तरण गरिएको हो ।

संस्थाको नियमानुसार उक्त रकम हस्तान्तरण गरिएको शाखा प्रबन्धक राम बहादुर बिकले बताउनु भयो । केन्द्रिय कार्यलय लम्की कैलालीका तालिम बिभाग प्रमुख नारायण चौधरीको अध्यक्षतामा आयोजित कार्यक्रममा प्रमुख अतिथि राजापुर नगरपालिका ८ नम्बर वडा अध्यक्ष राजेश थारु रहनु भएको थियो ।

कार्यक्रममा बोल्दै प्रमुख अतीथि थारुले उहिले पहिले शाहु महाजन बाफत ऋणलिदा भोग्नु परेको सम्स्यालाइ स्मरण गराउदै सहकारी माफत ऋणलिदा सहुलियत पाइने भएकोले सहकारी प्रतिको गलत बुझाइ त्याग्नुपर्ने धारणा राख्नुभयो । कार्यक्रममा मृतक थारु प्रती श्रद्धाञ्जली व्यक्त गर्दै सम्झना स्वरुप १ गोटा लिचिको बिरुवा रोपिएको छ । कार्यक्रममा सेवाकेन्द्र सदस्य,बरघर,संस्थाका कर्मचारी सहभागी थिए ।