ए.बि.पि न्युज नेपाल  संंवादाता

बर्दिया,मंसिर ७/ जिल्ला क्रिकेट संघ बर्दियाको आयोजनामा बर्दिया कप क्रिकेट प्रतियोगिता भोलि (शनिबार) देखि सुरु हुँदैछ । जिल्ला क्रिकेट संघ बर्दियाले बिहीबार पत्रकार सम्मेलन गरि प्रतियोगिताको बारेमा जानकारी गराएको हो ।
गुलरिया नगरपालिका, ब्ल्याक बक युथ क्लव र सहयोगी दाताको सहयोगमा प्रतियोगिता आयोजना गरिएको आयोजकले जनाईएको छ । नगर, क्लव तथा कलेजलाई लक्षित गरि क्रिकेट प्रतियोगिताको आयोजना गरिएको छ । गुलरिया नगरपालिका–४ कबर्ड हल मैदानमा क्रिकेट प्रतियोगिता हुनेछ । प्रतियोगिता मंसिर ८ गते देखि मंसिर १४ गतेसम्म चल्नेछ । शनिबार दिउँसो १२ बजे प्रतियोगिताको समुद्घाटन गर्ने आयोजकको तयारी छ ।
क्रिकेट प्रतियोगितामा जिल्लाका पाँच वटा टिमले सहभागिता जनाएको जिल्ला क्रिकेट संघ बर्दियाका सदस्य सिद्धार्थ श्रेष्ठले बताए । ‘प्रतियोगितामा प्रथम हुने टिमलाई नगद रु ५० हजार र द्वतिय हुने टिमलाई २५ हजार ५ सय पुरस्कार दिईनेछ,’सदस्य श्रेष्ठले भने,‘म्यान अफ दि म्याच हुनेलाई नगद रु १ हजार र टर्फी दिईनेछ ।’ त्यसैगरि बेस्ट ब्याट्स म्यान, बलर, इमरजिङ्गलाई रु २ हजार ५ सय र प्लेअर अफ दि सिरिजलाई नगद रु ५ हजार पुरस्कार दिने योजना रहेको श्रेष्ठले जनाए ।
खेल आइसिसि नियम अनुसार खेलाईने जिल्ला क्रिकेट संघ बर्दियाका सचिव संजिब सोमैले बताए । ‘खेल लेदर बलद्वारा टि–२० फर्मेटमा खेलाईनेछ,’सचिव सोमैले भने,‘खेलाडीहरुले अनिवार्य रुपमा कलर जर्सी लगाउनुपर्नेछ ।’ गुलरिया, मधुवन र राजापुर नगरपालिकाका खेलाडीले प्रतियोगितामा सहभागी हुनेछन् ।