ए.बि.पि न्युज नेपाल
बर्दिया,पौष ७

लागु औषध गाँजासहित दुई जनालाई प्रहरीले पक्राउ गरेको छ । बढैयाताल गाउँपालिका–६ रानीपुर स्थितबाट गत बुधबार राती १० बजे लागु औषध गाँजासहित दुई जनालाई प्रहरीले पक्राउ गरेको हो ।

पक्राउ पर्नेमा जुम्ला हिमा गाउँपालिका–१ देउर गाउँका २७ वर्षिय दिपेन्द्र शाही र कालिकोट पलाँता गाउँपालिका एक जना नाबालक रहेको प्रहरीले सार्वजनिक गरेको छ ।

दुवै जना शंकास्पद रुपमा नेपालबाट भारततर्फ पैदल गईरहेको अवस्थामा प्रहरीले नियन्त्रणमा लिएको प्रहरीले खुलाएको छ । दुवै जनाले बोकेको झोलामा लुकाई राखेको रातो रंगको प्लाष्टिकमा सेतो टेपले बेरिएको अवस्थामा १६ किलोग्राम ६ सय ५४ ग्राम लागु औषध गाँजा फेला परेको प्रहरी जनाएको छ । दुवै जनालाई नियन्त्रणमा लिई अदालतबाट ५ दिनको म्याद लिई थप अनुसन्धान भईरहेको जिल्ला प्रहरी कार्यालय गुलरियाका डिएसपी ऋषिराम घर्ती मगरले जानकारी दिए ।