Atv News
बर्दिया,पौष १८

जनमत पार्टीले बर्दियाले ¥याली निकालेर धोती दिवस मनाएको छ । जनमतका नेता तथा कार्यकर्ताले धोती लगाएर बुधबार गुलरियामा ¥याली निकाली धोती दिवस मनाएका हुन् । ¥यालीमा सहभागी अधिकांश कार्यकर्ताले धोती लगाएका थिए ।

¥यालीका सहभागीले ‘धोती हाम्रो सान हो, मधेसको पहिचान हो, धोती भैया भनेर हेप्न पाइँदैन’ लगायतका प्लेकार्ड देखाई नारा लगाएका थिए ।

कोणसभालाई सम्बोधन गर्दै हामीले कसैको विरोध नगरेको जनमत पार्टीका जिल्ला अध्यक्ष राजेश कुमार यादवले बताए । ‘हाम्रो देशमा विविध सम्प्रदायको बसोबास छ,’अध्यक्ष यादवले भने,‘तर हामीले कसैको विरोध गरेका छैनौं ।’ पुजा पाठलगायतको कार्यमा सबैले धोती लगाउने चलन छ । तर मधेसीले धोती लगाउँदा धोती भैया भनेर अपहेलित शब्ध प्रयोग गर्ने गरिन्छ । त्यति बेला हामीले समान अधिकार नपाएको महशुस गर्छौ ।

यस्तो विभेद नगर्न धोती दिवस मार्फत आवाज उठाईरहेको अध्यक्ष यादवले धारणा व्यक्त गरे । जनमत पार्टी कार्यालयबाट निकालीएको ¥याली गुलरिया बजार परिक्रमा गरि हुलाक चोकमा कोण सभामा परिणत भएको थियो । ¥यालीमा जनमत पार्टीका केन्द्रिय सदस्य मन्साराम यादव, जिल्ला प्रवक्ता राम दुलारे (विपिन) सोनकारलगायतका नेता तथा कार्यकर्ताहरुको सहभागिता रहेको थियो ।