पेस्तोल’ पड्काएर नाचेको भिडिओबारे जसपा नेता बबी सिंहले भनिन्- नक्कली हो, बिहेमा रमाइलोका लागि पड्कायौं

Trend

विद्यार्थीलाई कानुनी जानकारी गराउदै बढैयातालमा न्यायिक समितिको पहल || बागमती प्रदेशको धारणा– ‘सभापति जसै भए पनि टिकट व्यवस्था नगरे कांग्रेस अस्तित्व जोखिममा || काठमाडौंमा अवैध म्यारिज ब्युरो सञ्चालन गर्ने ४ चिनियाँ नागरिक पक्राउ || आज काठमाडौँको बल्खुमा जेन्जी सभा, सर्वसाधारणलाई सहभागी हुन आग्रह || बढैयाताल–७ मा सीमा व्यवस्थापनका लागि सहजीकरण समिति गठन || संविधान विपरीत सरकार बनेको भन्दै एमालेको कडा आपत्ति || वडा कार्यालयले सुत्केरी महिलालाई पोषण सामग्री वितरण || बढैयाताल उद्योग वाणिज्य संघ को अध्यक्ष मा रावल सर्वसम्मत निर्वाचित ||

BREAKING NEWS SHOW BREAKING NEWS

काठमाडौं, वैशाख १८

पेस्तोल पड्काएर नाचेको भिडिओबारे जनता समाजवादी पार्टी (जसपा)नेपालकी नेताले बबीसिंह यादवले प्रहरीलाई प्रष्टीकरण दिएकी छन्।

बिहीबार जिल्ला प्रहरी कार्यालय सप्तरीमा उपस्थित भएर यादवले प्रहरीलाई उक्त भिडिओबारेको जानकारी गराएकी हुन्।

जिल्ला प्रहरी कार्यालय सप्तरीका प्रमुख एसपी ढकेन्द्र खतिवडाले उक्त पेस्तोल नक्कली भएको बयान दिएकी छन्।

‘त्यो नाचेको भिडिओ उहाँको मामाघरमा बिहेको समयमा खिचिएको रहेछ,’ एसपी खतिवडाले भने।

‘नक्कली पेस्तोल हो। बिहेमा रमाइलोका लागि पड्कायौं,’ नेता यादवको भनाइ उद्धृत गर्दै एसपी खतिवडाले भने।

एसपी खतिवडाका अनुसार त्यस्ता पेस्तोल बारूद हालेर पड्काउन मिल्छ।

‘५/७ हजारमा पाइँदो रहेछ।सक्कली हो कि नक्कली हामी बुझ्दै छौं,’ उनले भने। उनका अनुसार घटना सर्लाहीको भएका कारण पेस्तोल पनि सर्लाही प्रहरीले नियन्त्रणमा लिएको छ।

सर्लाही प्रहरीका डिएसी सरोज राईले पेस्तोल नियन्त्रणमा लिएको बताए।