ए.टिभी न्युज नेपाल

बर्दिया,जेठ २१/ लामो प्रयासपछि समस्याग्रस्त चितुवा नियन्त्रणमा आएपछि त्रसित स्थानीय खुसी भएका छन् । विगत तीन महिना देखि आतंक मच्चाएको चितुवा नियन्त्रणमा आएपछि स्थानीय खुसी भएका हुन् ।

गुलरिया नगरपालिका–५,बालापुर स्थित थारु सामुदायिक वनबाट बुधबार बिहान समस्याग्रस्त चितुवालाई नियन्त्रणमा लिईएको हो । उक्त चितुवाले विगत लामो समय देखि सो क्षेत्र वरिपरि आतंक मच्चाएको थियो । डिभिजन वन कार्यालयले थापेको केजमा समस्याग्रस्त चितुवा परेको हो । चितुवा नियन्त्रणपछि त्रसित स्थानीय खुसी भएका छन् ।

गत बुधबार गुलरिया नगरपालिका–५ बालापुरकी ७ वर्षीया सायरा थारुलाई उक्त चितुवाले आक्रमण गरि मारेको थियो । त्यसैगरि गत बैशाखमा ९ वर्षीया मेलिना खड्कालाई चितुवाले मारेको थियो भने चैतमा दुई जनालाई घाईते बनाएको थियो ।
सो समस्याग्रस्त चितुवालाई नियन्त्रणमा दुई हात्तीसहित प्राविधिक र डिभिजन वन कार्यालयको संयुक्त टोली बिहीबार परिचालन भएको थियो ।