ए टिभी न्युज नेपाल
हरि गुरुङ्ग
५ आषाढ २०८२

बर्दिया / लुम्बिनी प्रदेश बर्दिया जिल्लाको मधुवन नगरपालिका वडा नं-३ मा अवस्थित श्री नेपाल राष्ट्रिय माध्यमिक विद्यालय धनौरा ७४ औं स्काउट दिवस र्‍याली, वृक्षारोपण तथा वक्तृत्कला प्रतियोगिता गरि मनाइएको छ।

हरेक वर्ष आषाढ ५ गते स्थापना दिवस नेपालभरी “स्काउट शिक्षा आजको आवश्यकता ” भन्ने मुल नारा सहित स्काउट दिवस मनाईएको हो।
नेपालमा नेपाल स्काउट विक्रम सम्वत २००९ आषाढ ५ स्थापना भएको थियो।
स्काउटमा चार वटा समुह छुट्याएको छ।विद्यालय स्तरबाट ६ वर्षदेखि ११ वर्षमुनिका कब ब्राउनी, ११ वर्षदेखी १६ वर्ष मुनिका ब्याइज/गल्स स्काउट, १६ वर्षदेखि २१ वर्षसम्म भेन्चर र २२वर्षदेखि २५ वर्षका रोभर रेन्जर भनी छुट्याएको छ।

पहिलो पटक सन १९०७ अगस्ट १ मा वेलायती नागरिक लर्ड वेडेन पावेलले २० जना कुलतमा फसेका र अन्य जातजातिका युवायुवतीहरुलाई लिएर शुरूवात गरेका थिए। बालबालिका तथा युवायुवतीहरुको शारीरिक, मानसिक, बौद्धिक, संयोगात्मक र आत्माध्मिक पक्षको विकास गर्नाले मानवको अस्तित्व कायम हुन्छ भन्ने उदेश्यका साथ हरेक वर्ष आषाढ ५ मा यो दिवस मनाउदै आइरहेको छ।

हरेक विद्यालयमा एक विद्यालय एक स्काउट शिक्षक बनाउन अत्यन्त जरुरी रहेको छ। स्काउटले बालबालिकाहरुमा शारीरिक, मानसिक, सामाजिक, संम्वेगात्मक र आध्यात्मिक पांचै वटा पक्षको विकासका साथै असल मानव निर्माण गर्नाका लागि स्काउट शिक्षा अनिवार्य रहेको छ।स्काउट शिक्षक बल बहादुर दर्लामी बताउनुभएको हो।

स्काउटले व्यवहारिक र सैद्धान्तिक कुराहरु सिकाउने गर्दछ। संस्कार र संस्कृति बिर्सिदै गइरहेको अवस्थामा स्काउटले ती कुराहरूलाई सिक्न प्रेरित गर्दछ भने अनुशासन मुख्य कुरा हो।स्काउट विध्यार्थी श्रीतिका भट्टराईले बताएकि हुन।