अफजल खान

बर्दिया, असार २४ / रसुवाको भोटेकोशी नदीमा आएको बाढीमा बर्दियाका पाँच जना बेपत्ता भएका छन् । मंगलबार बिहान करिब ४ बजे आएको बाढीमा परि बर्दियाका पाँच बेपत्ता भएका हुन् ।

उक्त बाढीमा बर्दियाका पाँच जनासहित २० जना बेपत्ता भएको प्रहरीले जनाएको छ ।

प्रहरीका अनुसार बारबर्दिया नगरपालिका वडा नं. ९ खैरेनीका ३० वर्षिय सुरेश थारु, बारबर्दिया नगरपालिका वडा नं. १० फेनापतीका ३२ वर्षिय सन्तोष दहित, २५ वर्षिय बुद्धिराम दहित, गुमस्ताका ३६ वर्षिय जिप्पन चौधरी र बढैयाताल गाउँपालिका-६ का २९ वर्षिय लक्ष्मी नारायण चौधरी रहेका छन् ।

बिहानै सम्पर्कविहीन भएको घरमा खबर आउँदा पुरै गाउँनै शोकमा डुबेको छ । उनीहरु ज्याला मजदुरी गर्न गएका थिए । सम्पर्कविहीनहरुको खोजी गरिदिनहुन आफन्तले हारगुहार गरेका छन् ।

Activate W