बर्दिया / अविरल बर्षा पछि बबई नदीमा आएको बाढिमा दाउरा निकाल्न नजान गुलरिया नगरपालिकाका नगरप्रमुख मुक्तिनाथ यादवले अनुरोध गरेका छन ।चेपाङमा बबई नदिमा पानिको सतह मापन गरिएको छ जनु चेतावनी स्तर नाघेको देखिन्छ । पानीको सतह अझै बढ्न सक्ने उल्लेख गर्दै नदिको छेउछाउ बस्ने सर्वसाधारणलाई सतर्कता अपनाउन आग्रहका साथ स्थानीयलाई दाउराको लोभमा ज्यान जान सक्ने हुदा नदिमा दाउरा निकाल्न नजान हुन नगरप्रमुख यादवले भने । बिगतका बर्षहरुमा समेत बाढिको समयमा दाउराको लोभमा नदिमा दाउरा निकाल्न जादा जिल्लामा मानविय क्षति समेत भएको घटनाहरु समेत रहेकाले यस्ता किसिमका मानविय क्षति नहोस भन्नका लागि नदिमा दाउरा निकाल्न नजान हुन सम्पुर्ण गुलरिया बासीलाई नगरप्रमुख यादवले अनुरोध गरेका छन ।

चेपाङको बबई नदिमा राखिएको गेज रिडरमा बिहानै देखि नै पानीको सतह पहिलो चेतावनीको स्तर नाघिसकेको र अहिले साझ पनि पानीको बहाव बिहानको भन्दा केहि कम रहेता पनि अहिले पनि बहाव चेतावनी स्तर माथी नै रहेकोले उच्च सतर्कता अपनाउन समेत नगरप्रमुख यादवले अनुरोध गरेका छन ।