काठमाडौं । ब्रह्माकुमारी संस्थाका पूर्वप्रमुख प्रशासक राजयोगिनी दादी प्रकाशमणिको १८औँ स्मृति दिवस तथा विश्व बन्धुत्व दिवसको अवसरमा विश्वव्यापी रक्तसंकलन अभियान सञ्चालन गरिएको छ ।

विश्वभरबाट १ लाख पिन्ट रगत संकलन गर्ने लक्ष्य लिइएको उक्त अभियानअन्तर्गत नेपालबाट हालसम्म ११ हजार ९१६ पिन्ट रगत संकलन भएको अभियानसम्वद्ध रमेश आचार्यले बताए ।

विभिन्न स्थानमा रहेका ब्रह्माकुमारी शाखाले विभिन्न संघ–संस्था र सामाजिक निकायसँग सहकार्य गर्दै सुरु गरेको रक्त संकलन अभियानले १०० घण्टाभित्र १ लाख पिन्ट रगत संकलन गर्ने लक्ष्य लिएको छ । भदौ ६ देखि ९ गतेसम्म जारी अभियानअन्तर्गत नेपालमा अपेक्षित सफलता हासिल भएको हो ।

त्यसक्रममा भदौ ८ गते काठमाडौंमा १२ सय २, जनकपुरमा ७२, नारायणगढमा १५८, हेटौंडामा १५७, विराटनगरमा ८६८, पोखरामा २२९, नेपालगञ्जमा ४६, बुटवलमा २३१, दाङमा १०४, बागलुङमा ३३ र पाल्पामा २१ पिन्ट रगत संकलन गरिएको थियो । अन्तिम दिन ९ गते १४ सय ५७ पिन्ट गरी ९ गते १४५७ पिन्ट पुगेको हो ।साभारनेपालप्रेस