तिहार शुरु भएसँगै बजारमा चहलपहल बढ्दै

ज्ञानेन्द्र पोख्रेल

बर्दिया बढैयाताल ,कात्तिक १ गते ।नेपालीहरुको दोस्रो महान पर्व तिहार आज देखी सुरु भएको छ । आज धनतेरसको दिन नयाँ भाँडाकुडा र सुनचाँदीका गरगहना किनमेल गर्ने प्रचलन रहि आएको छ । विशेष गरी दीपावलीको किनमेलको लागि आजको दिन उत्तम र शुभ दिन मानिन्छ ।

आज परेको यो दिन खरिद गरेका सामग्रीहरू राखेर लक्ष्मी पूजा गरेमा लक्ष्मी माता खुसी भई धनधान्यले सम्पन्न गराउने धार्मिक विश्वास समेत रहेको छ । धार्मिक मान्यता अनुसार धनतेरसको दिन कमलको पुष्पाशनमा विराजमान माता लक्ष्मी र गणेशको मूर्ति वा तस्वीर का साथै कुचो, धनिया, अदुवा र बेसार को सुठो समेत घर भित्र्याउदा निकै फलदायी हुने धार्मिक मान्यता समेत रहेको छ ।

आजको दिन सुन, चाँदी, तामाको भाँडादेखि लिएर अन्य सरसमान किनेर घरमा भित्र्याउने चलन रहेकाले बिगतका दिनहरु भन्दा आज देखी बढैयातालको मैनापोखर बजार क्षेत्रमा किनबेच गर्नेहरुको विहानैदेखि चहलपहल बढेको छ ।शनिबार विहानैदेखि सुन पसल, भाडाँको पसल र दिपावलीका सामानहरु पाईने पसलहरुमा सामान किन्नेहरुको भिडभाड लागेको छ साथै सम्पन्न र हुनेहरु ले सुनचादी का सामान किन्छन् भने निम्न आय भएका हरुले कुचो लगायत तामाका भाँडाकुँडा किनमेल गरेको देखिन्छ ।

बढैयाताल को सबै क्षेत्र भारतिय सिमा क्षेत्र संग जोडिएको कारण अधिकांश यस क्षेत्रका जनताहरु भारतको बलैगाउ र लौकाही किनमेलका लागि जाने भएकोले प्रायः यस क्षेत्रका बजारहरु सुनसान नै देखिन्छन ।