बर्दिया, कात्तिक १९/हात्ती स्वास्थ्य शिविरमा हात्तीको स्वास्थ्य चेक जाँच गरिएको छ । ठाकुरबाबा नगरपालिका–९ हात्तीसारमा रहेका हात्तीको मंगलबार र बुधबार स्वास्थ्य चेक जाँच गरिएको हो ।

हात्तीको स्वास्थ्य चेकजाँच तथा नङ काट्ने कार्यमा केएसिएफ भन्ने अमेरिकन भेटनरी डाक्टर, बर्दिया राष्ट्रिय निकुञ्ज र राष्ट्रिय प्रकृति संरक्षण कोष(एनटिएनसि) चितवन र बर्दियाका चिकित्सक र प्राविधिकहरुको सहभागिता रहेको थियो ।

दुई दिने हात्ती हेल्थ क्याम्पमा निकुञ्जका १३ र एनटिएनसिको एक गरि १४ वटा हात्तीको स्वास्थ्य परीक्षण र हात्तीको बढेको नङ काँटिएको बर्दिया राष्ट्रिय निकुञ्जका सूचना अधिकारी  सरोजमणी पौडेलले जनाए ।

हात्तीको रगत सङ्कलन, हात्तीलाई जुकाको औषधी, टिटनास र रेबिजको भ्याक्सिन पनि दिएको छ ।