स्वास्थ्य क्षेत्रमा जनचेतनामूलक समाचार तथा जनसरोकारका विषयलाई निरन्तर प्राथमिकताका साथ उठाउँदै आउनुभएको योगदानको कदर गर्दै चौहानलाई उक्त पुरस्कार प्रदान गरिएको हो ।

अफजल खान्✍️

बर्दिया / नेपाल पत्रकार महासंघ बाँकेले प्रदान गर्दै आएको “माधवी स्वास्थ्य पत्रकारिता पुरस्कार” बाट रामप्रसाद चौहान सम्मानित भएका छन् ।
स्वास्थ्य क्षेत्रमा जनचेतनामूलक तथा अनुसन्धानमूलक समाचार लेखनमार्फत उत्कृष्ट योगदान पुर्‍याउँदै आएको मूल्यांकन गर्दै चौहानलाई उक्त पुरस्कार प्रदान गरिएको हो । स्वास्थ्य पत्रकारितामार्फत जनसरोकारका विषयलाई प्राथमिकताका साथ उठान गर्दै आएको भन्दै उहाँको कार्यको प्रशंसा गरिएको छ ।
नेपाल पत्रकार महासंघ बाँकेले हरेक वर्ष स्वास्थ्य क्षेत्रमा प्रभावकारी कलम चलाउने सञ्चारकर्मीलाई “माधवी स्वास्थ्य पत्रकारिता पुरस्कार” प्रदान गर्दै आएको छ । यस वर्षको पुरस्कारबाट सम्मानित भएका चौहानलाई पत्रकारिता क्षेत्रमा निरन्तर सफलताको शुभकामना व्यक्त गरिएको छ ।