बर्दिया,असार
खोलामा नुहाउने क्रममा दुर्घटनामा परेकी नेचर गाइड सीतारानी चौधरीको निधन भएको छ । ठाकुरबाबा नगरपालिका–९ की नेचर गाइड सीतारानी चौधरीको उपचारको क्रममा आइतबार बिहान निधन भएको हो । मृतक चौधरी प्रकृति पथ प्रदर्शक संघ बर्दियाकी कोषाध्यक्ष समेत हुन् ।

केही दिन अघि ठाकुरद्वारा स्थित पट्टु खोलामा नुहाउने क्रममा दुर्घटनामा परि नेचर गाइड चौधरीको मेरुदण्डमा गम्भिर चोट लागेको प्रकृति पथ प्रदर्शक संघकी सचिव शुसीला महताराले बताईन् । ‘खोलामा जम्प गर्ने बेला मेरुदण्डमा गम्भिर चोट लागेको थियो,’सचिव महताराले भनिन्,‘ काठमाडौं स्थित अन्नपूर्ण न्यूरो हस्पिटलमा उपचारको क्रममा निधन भएको हो ।’
मृतक नेचर गाइड विगत ११/१२ वर्ष देखि बर्दिया राष्ट्रिय निकुञ्ज आउने पाहुनालाई सुरक्षित सफारी गराउँदै आएकी थिईन् ।