ठुलो परिमाणमा अवैध सामानसहित दुई पक्राउ

बर्दिया,असार २५
भन्सार छली अबैध रुपमा ल्याईएको ठुलो परिमाणको सामानसहित दुई जनालाई प्रहरीले पक्राउ गरेको छ । मधुवन नगरपालिका–४ स्थितबाट अबैध सामानसहित कैलाली घोडाघोडी नगरपालिका–११ पहलमानपुरका ४४ वर्षीय चुनुराम चौधरी र कैलाली टिकापुर नगरपालिका–१ का ३० वर्षीय अजय चौधरीलाई प्रहरीले बुधबार पक्राउ गरेको हो ।
सुपप्र ०१–००१ क १९९१ नंम्बरको मिनी ट्रकमा सामान लोड गरि कैलालीबाट तारातालतर्फ ल्याईरहेको अवस्थामा प्रहरीले नियन्त्रणमा लिएको हो । प्रहरीका अनुसार बरामद फेन्सी, कपडा तथा अन्य सामानसहित मिनी ट्रकको बरामद मुल्य रु ३२ लाख ६३ हजार ६ सय रहेको छ । नियन्त्रणमा लिइएका सामानसहित व्यक्तिहरुलाई आवश्यक कारवाहीको लागि छोटी भन्सार कार्यालय गुलरियामा पठाईएको जिल्ला प्रहरी कार्यालय बर्दियाले जनाएको छ ।