राम प्रसाद चौहान बर्दिया,भाद्र १९
लागु औषध ब्राउन सुगरसहित प्रहरीले एक जनालाई पक्राउ गरेको छ । बढैयाताल गाउँपालिका–६ मैनापोखरका २८ वर्षिय योगेन्द्र सिलाललाई प्रहरीले सोमबार पक्राउ गरेको हो । बढैयाताल गाउँपालिका–२ फुटाह स्थितबाट उनलाई प्रहरीले नियन्त्रणमा लिएको हो । प्रहरी चौकी जमुनी र सशस्त्र प्रहरी विओपीबाट खटिएको संयुक्त प्रहरी टोलीले सिलाललाई नियन्त्रणमा लिएको छ । साइकलमा सवार सिलाल भारतबाट नेपालतर्फ शंकास्पद रुपमा आईरहेका थिए । उनलाई नियन्त्रण लिई चेकजाँच गर्दा लागु औषध फेला परेको प्रहरीले जनाएको छ । प्लाष्टिकले बेरेर राखेको अवस्थामा उनको साथबाट ४ सय ९० मिलीग्राम लागु औषध ब्राउन सुगरको धुलो बरामद भएको छ । सिलाललाई नियन्त्रणमा लिई थप अनुसन्धान भईरहेको जिल्ला प्रहरी कार्यालय गुलरियाका डिएसपी तुल्सीराम अर्यालले जानकारी दिए ।