- राम प्रसाद चौहान ,बर्दिया,भाद्र २०
लागु औषध र सुनको गहनासहित ४ जनालाई प्रहरीले पक्राउ गरेको छ । गुलरिया नगरपालिका–११ भादापुल नजिकबाट लागु औषधसहित दुई र बढैयाताल गाउँपालिका–७ स्थितबाट सुनको गरगहना,लागु औषधसहित दुई जना गरि ४ जनालाई प्रहरीले बुधबार पक्राउ गरेको हो ।
भे ११ प १७२३ नंम्बरको मोटर साइकलमा शंकास्पद रुपमा सवार रहेका गुलरिया नगरपालिका–१२ का ३६ वर्षिय अब्दुल सलाम र २१ वर्षिय रेवती प्रसाद कुर्मीलाई प्रहरीले नियन्त्रणमा लिई चेकजाँच गर्दा लागु औषध ब्राउन सुगर फेला परेको छ । दुवै जनाको साथबाट शुद्ध तौल ३० मिलीग्राम लागु औषध ब्राउन सुगरको धुलो पदार्थ र नगद रु ८२ हजार ७१ फेला परेको प्रहरीले जनाएको छ ।
त्यसैगरि भारतबाट नेपालतर्फ ने १२ प ३३६ नंम्बरको मोटर साइकलमा शंकास्पद रुपमा सवार रहेका मधुवन नगरपालिका–७ का २९ वर्षिय बिनोद सुनार र वडा नंम्बर ६ का ३२ वर्षिय हरि बहादुर विकलाई प्रहरीले नियन्त्रणमा लिई चेकजाँच गर्दा सुनको गरगहना फेला परेको छ । दुवै जनाको साथबाट १ सय ७५ ग्राम २ सय ८० मिली ग्रामको सुनको माइली तिलहरी, ७७ ग्राम १ सय ७० मिलीग्रामको सुनको चोक्कर, ४ ग्राम २ सय ३० मिलीग्रामको कानमा लगाउने पिजडा, ५ ग्राम ७ सय २० मिलीग्रामको सिक्री, ८ सय २० मिलीग्राम काँचो सुनको जस्तो देखिने सानो दाना, शुद्ध तौल ९ सय ४० मिलीग्राम लागु औषध ब्राउन सुगर र नगद रु २ हजार ९ सय ९५ फेला परेको छ । चारै जनालाई नियन्त्रणमा लिई थप अनुसन्धान भईरहेको जिल्ला प्रहरी कार्यालय गुलरियाका डिएसपी तुल्सीराम अर्यालले जानकारी दिए ।
प्रतिक्रिया
सम्बन्धित खवर
जेठ २७, २०८३ बुधबार 90 Views
जेठ १९, २०८३ मंगलबार 90 Views
