गुलरिया २१ भदौ

नारीहरुको महान पर्व हरितालिका तिजको पावन अवसरमा गुलरियामा नगरस्तरिय एकल नृत्य प्रतियोगीता गरिएको छ । मौलिकता झल्कने नेपाली कला र सँस्कृतिको जगेर्ना गर्दै समाजमा लुकेर रहेका प्रतिभाहरु बाहिर ल्याउने उद्धेश्यले प्रतियोगीता गरिएको हो ।

गुलरिया को मुख्य बजार राधाकृष्ण चोकमा भएको प्रतियोगीतामा १३ जनाले भाग लिएका थिए । जसमध्ये यमुना भण्डारी प्रथम, नेहा क्षेत्री द्धितिय, गंगा बोहोरा तृतिय र योगिता यादव सान्त्वना स्थान प्राप्त गर्न सफल भएको निर्णायक मण्डलकी संयोजक संगिता थापाले जानकारी गराउनु भयो ।

नृत्य प्रतियोगिताको निर्णायक मण्डलमा संयोजक थापा सहित कलाकार नरेन्द्र श्रेष्ठ र सन्ध्या श्रेष्ठ सदस्य रहनु भएको छ । प्रतियोगितामा प्रथम हुनेलाई ५ हजार, द्धितिय हुनेलाई ४ हजार, तृतिय हुनेलाई ३ हजार र सान्तवना पुरुषकार १ हजार ५ सय प्रदान गरिएको आयोजक ज्ञानुमाया रिजालले जानकारी दिनुभएको छ ।

हाम्रो कला संस्कृती कायम राख्न तथा झल्काउनका लागि तिजको अवसर पारेर आफ्नै मौलिकता झल्कने तिज गित प्रतियोगिताको आयोजना गरिएको रिजालले बताउनु भयो ।
कार्यक्रमका प्रमुख अतिथि गुलरिया नगरपालिका नगरप्रमुख मुक्तिनाथ यादवले सम्पूर्ण नगरवासीहरुमा हरितालिका तिजको शुभकामना दिनु भयो ।

कला भएर पनि स्थान नपाएका नव प्रतिभावान बालबालिकालाई उत्साह थप्ने काम गरिएको बताउनु भयो । अगामी बर्षमा नगरपालिकाले सहयोग गर्दै जाने बताउनु भएको छ । गुलरिया नगरपालिका तथा वडा नम्बर ७/६/५ र ४ कार्यालयबाट सहयोग प्राप्त भएको आयोजकले जनाएको छ । कार्यक्रमको संचालन मिना थापाले गर्नु भएको छ ।

संस्कृती बचाउन सबैले आ–आफ्नो ठाउँबाट भुमिका खेल्नुपर्नेमा जोड दिन थालिएको छ । हरितालिका तिजका अवसरमा बर्दियाका विभिन्न पालिकाहरुमा साँस्कृतिक कार्यक्रमहरु गरिएका छन् ।