ए.बि.पि न्युज नेपाल सवादाता
बर्दिया,असोज २
गएराती बर्दियामा एक महिलाको हत्या भएको छ । बारबर्दिया नगरपालिका–५ तर्कापुर बस्ने ३९ वर्षिय मिना थारुको गएराती साढे १२ बजे हत्या भएको हो । हत्या गरेर भाग्दै गरेको अवस्थामा बारबर्दिया नगरपालिका–५ सिटीबरेली स्थितबाट बारबर्दिया नगरपालिका–११ जब्दी बस्ने ४० वर्षिय पप्पु भनिने शिव प्रसाद थारुलाई प्रहरीले नियन्त्रणमा लिएको छ ।

गएराती १२ बजेर २० मिनेटमा शिव प्रसाद मिनाको घरमा गई धारिलो हतियार प्रहार गर्दा टाउको र घाँटीमा गहिरो चोट लागेको थियो । गहिरो चोट लागेर गम्भिर घाईते भएकी मिनालाई उपचारको लागि नगर अस्पताल जयनगर पु¥याईएको थियो । चिकित्सकले चेकजाँच गर्दा साढे १२ बजे मृत घोषणा गरेका थिए ।

थारुलाई नियन्त्रणमा लिई थप अनुसन्धान भईरहेको जिल्ला प्रहरी कार्यालय गुलरियाका डिएसपी तुल्सीराम अर्यालले जानकारी दिए ।